14.06.2022
ՀՀ ՎՃՌԱԲԵԿ ԴԱՏԱՐԱՆԸ ՀՅՈՒՐԸՆԿԱԼԵԼ Է ԵՎՐԱՍԻԱԿԱՆ ՏՆՏԵՍԱԿԱՆ ՄԻՈՒԹՅԱՆ ԴԱՏԱՐԱՆԻ ՊԱՏՎԻՐԱԿՈՒԹՅԱՆԸ
ՀՀ ՎՃՌԱԲԵԿ ԴԱՏԱՐԱՆԸ ՀՅՈՒՐԸՆԿԱԼԵԼ Է ԵՎՐԱՍԻԱԿԱՆ ՏՆՏԵՍԱԿԱՆ ՄԻՈՒԹՅԱՆ ԴԱՏԱՐԱՆԻ ՊԱՏՎԻՐԱԿՈՒԹՅԱՆԸ
2022 թվականի հունիսի 14-ին ՀՀ Վճռաբեկ դատարանում հյուրընկալվել են Եվրասիական տնտեսական միության դատարանի նախագահ Էռնա Հայրիյանը, դատավորներ Արմեն Թումանյանը, Դենիս Կոլոսը և Ալեքսանդր Ֆեդորցովը:
Հանդես գալով ողջույնի խոսքով, ՀՀ Վճռաբեկ դատարանի նախագահ Լիլիթ Թադևոսյանը կարևորել է ԵԱՏՄ դատարանի և անդամ պետությունների բարձր դատարանների միջև կառուցողական երկխոսությունն ու փոխհամագործակցությունը:
Լ.Թադևոսյանը նշել է, որ երկխոսության որոշակի գործիքակազմեր արդեն իսկ ներդրվել են Եվրասիական տնտեսական միության դատարանի և ՀՀ Վճռաբեկ դատարանի միջև՝ մի շարք գործերով դատարանին հասցեագրված հարցումներով, որոնց նպատակը ներպետական օրենսդրության և դրա կիրառման առանձնահատկությունների բացահայտումն է։
Հանդես գալով ողջույնի խոսքով, ԵԱՏՄ դատարանի նախագահ Է.Հայրիյանը նույնպես կարևորել է դատարանների միջև համագործակցության ամրապնդումն ու ընդգծել ԵԱՏՄ դատարանի կողմից մի շարք խնդրահարույց իրավական հարցերի վերաբերյալ խորհրդատավական եզրակացություններ տրամադրելու պատրաստակամությունը:
Հայաստանի Հանրապետության Վճռաբեկ դատարանի վեբկայքի ստեղծումն իրականացվել է «Աջակցություն քրեական արդարադատության բարեփոխումներին և եվրոպական չափանիշների կիրառման ներդաշնակեցումը Հայաստանում» ծրագրի աջակցության շրջանակներում, որը համաֆինանսավորվում է Եվրոպական միության և Եվրոպայի խորհրդի կողմից: Սույն վեբկայքում ներկայացված բովանդակությունը և տեսակետները որևէ կերպ չեն արտահայտում Եվրոպական միության և Եվրոպայի խորհրդի պաշտոնական տեսակետները: