Վճռաբեկ դատարանի քրեական պալատը, քննարկելով թիվ ՍԴ3/0138/01/21 և ՍԴ3/0055/01/23 քրեական վարույթների տարածքային ընդդատության հարցը, արձանագրել է, որ ՀՀ քրեական դատավարության օրենսգրքի 261-րդ հոդվածի 5-րդ մասով սահմանված կարգով տվյալ քրեական վարույթների տարածքային ընդդատությունը փոխելու մասին որոշումներն իրավաչափ չեն։

  Վերոգրյալի հետ մեկտեղ, Վճռաբեկ դատարանի քրեական պալատն ընդգծել է, որ վերոնշյալ գործերով առերևույթ առկա է դատական շրջապտույտի, ողջամիտ ժամկետում գործի քննության և դրանից ածանցվող այլ իրավունքների խախտման վտանգ, հաշվի առնելով, որ տվյալ քրեական գործերը՝ համապատասխանաբար 2021 թվականի դեկտեմբերից և 2023 թվականի նոյեմբերից, գտնվում են դատարանների վարույթում, սակայն մինչ օրս վերոնշյալ գործերի քննությունը դեռևս նախնական դատալսումների փուլում է։