2023 թվականի հուլիսի 14-ին Վճռաբեկ դատարանում հյուրընկալվել են Երիտասարդ առաջնորդների հակակոռուպցիոն դպրոցի 9-րդ հոսքի ունկնդիրները։ Ունկնդիրներին ընդունել են Վճռաբեկ դատարանի հակակոռուպցիոն պալատի դատավորներ Գևորգ Գյոզալյանը և Լիզա Գրիգորյանը։

 Հակակոռուպցիոն դպրոցի շուրջ 20 ունկնդիրների Վճռաբեկ դատարանի դատավորները ներկայացրել են հակակոռուպցիոն պալատի կառուցվածքն ու գործառույթները, անդրադարձել պետության հակակոռուպցիոն քաղաքականության հիմնահարցերին և դատարանի դերին։

 Հանդիպման շրջանակներում ունկնդիրները հնարավորություն են ունեցել իրենց հուզող հարցերը հղել Վճռաբեկ դատարանի դատավորներին և ակտիվ քննարկում ծավալել՝ հակակոռուպցիոն օրենսդրության, այս ոլորտում միջազգային փորձի, ապօրինի ծագում ունեցող գույքի բռնագանձման մասին օրենքի կարգավորումների վերաբերյալ։