ՎՃՌԱԲԵԿ ԴԱՏԱՐԱՆԻ ՔՐԵԱԿԱՆ ՊԱԼԱՏԸ ՔՐԵԱԿԱՆ ՎԱՐՈՒՅԹՆԵՐԻ ՏԱՐԱԾՔԱՅԻՆ ԸՆԴԴԱՏՈՒԹՅԱՆ ՀԱՐՑԻ ՔՆՆԱՐԿՄԱՆ ՇՐՋԱՆԱԿՆԵՐՈՒՄ ԱՐՁԱՆԱԳՐԵԼ Է ԴԱՏԱԿԱՆ ՇՐՋԱՊՏՈՒՅՏԻ, ՈՂՋԱՄԻՏ ԺԱՄԿԵՏՈՒՄ ԳՈՐԾԻ ՔՆՆՈՒԹՅԱՆ ԵՎ ԴՐԱՆԻՑ ԱԾԱՆՑՎՈՂ ԱՅԼ ԻՐԱՎՈՒՆՔՆԵՐԻ ԱՌԵՐԵՎՈՒՅԹ ԽԱԽՏՄԱՆ ՎՏԱՆԳԻ ԱՌԿԱՅՈՒԹՅՈՒՆ
Վճռաբեկ դատարանի քրեական պալատը, քննարկելով թիվ ԱՎԴ4/0051/01/21 և ՍԴ3/0114/01/22 քրեական վարույթների տարածքային ընդդատության հարցը, արձանագրել է, որ Արարատի և Վայոց ձորի մարզերի առաջին ատյանի ընդհանուր իրավասության դատարանի կողմից թիվ ԱՎԴ4/0051/01/21 քրեական վարույթի տարածքային ընդդատությունը կրկին փոխելու և քրեական վարույթը Երևան քաղաքի առաջին ատյանի ընդհանուր իրավասության քրեական դատարան փոխանցելու մասին որոշումը, ինչպես նաև Երևան քաղաքի առաջին ատյանի ընդհանուր իրավասության քրեական դատարանի հետևությունն այն մասին, որ թիվ ՍԴ3/0114/01/22 քրեական վարույթն ընդդատյա է Սյունիքի մարզի առաջին ատյանի ընդհանուր իրավասության դատարանին, հիմնավոր չեն։
Վերոգրյալի հետ մեկտեղ, Վճռաբեկ դատարանի քրեական պալատն ընդգծել է, որ վերոնշյալ գործերով առերևույթ առկա է դատական շրջապտույտի, ողջամիտ ժամկետում գործի քննության և դրանից ածանցվող այլ իրավունքների խախտման վտանգ, հաշվի առնելով, որ տվյալ քրեական գործերը՝ համապատասխանաբար 2021 թվականի նոյեմբերից և 2022 թվականի հոկտեմբերից, գտնվում են դատարանների վարույթում, սակայն մինչ օրս վերոնշյալ գործերի քննությունը դեռևս նախնական դատալսումների փուլում է։
The website development of the Court of Cassation of Armenia was supported within the Project "Supporting the criminal justice reform and harmonising the application of European standards in Armenia" co-funded by the European Union and the Council of Europe. The content and views expressed on the website of the Court of Cassation of Armenia can in no way be taken to reflect the official opinion of the European Union and the Council of Europe".