06.02.2026
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎՃՌԱԲԵԿ ԴԱՏԱՐԱՆԻ ՆԱԽԱԳԱՀ ԼԻԼԻԹ ԹԱԴԵՎՈՍՅԱՆՆ ԸՆԴՈՒՆԵԼ Է ԵՎՐՈՊԱՅԻ ԽՈՐՀՐԴԻ ՄԱՐԴՈՒ ԻՐԱՎՈՒՆՔՆԵՐԻ ՀԱՆՁՆԱԿԱՏԱՐ ՄԱՅՔԼ Օ՛ՖԼԱՀԵՐԹԻԻՆ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎՃՌԱԲԵԿ ԴԱՏԱՐԱՆԻ ՆԱԽԱԳԱՀ ԼԻԼԻԹ ԹԱԴԵՎՈՍՅԱՆՆ ԸՆԴՈՒՆԵԼ Է ԵՎՐՈՊԱՅԻ ԽՈՐՀՐԴԻ ՄԱՐԴՈՒ ԻՐԱՎՈՒՆՔՆԵՐԻ ՀԱՆՁՆԱԿԱՏԱՐ ՄԱՅՔԼ Օ՛ՖԼԱՀԵՐԹԻԻՆ
2026 թվականի փետրվարի 4-ին, Հայաստանի Հանրապետության Վճռաբեկ դատարանի նախագահ Լիլիթ Թադևոսյանն ընդունել է Եվրոպայի խորհրդի մարդու իրավունքների հանձնակատար Մայքլ Օ՛Ֆլահերթիին։
Հանդիպմանը մասնակցել են Վճռաբեկ դատարանի քրեական պալատի նախագահ Համլետ Ասատրյանը, Վճռաբեկ դատարանի հակակոռուպցիոն պալատի նախագահ Արթուր Դավթյանն ու Եվրոպայի խորհրդում Հայաստանի Հանրապետության մշտական ներկայացուցիչ, դեսպան Արմեն Պապիկյանը։
Ողջունելով հյուրին, Վճռաբեկ դատարանի նախագահ Լ․Թադևոսյանը շնորհակալություն է հայտնել հանդիպման նախաձեռնության համար և նշել, որ ՀՀ Վճռաբեկ դատարանը համընդգրկուն փոխգործակցություն է ծավալում Եվրոպայի խորհրդի կառույցների հետ` կարևորելով Եվրոպայի խորհրդի առաքելությունը Հայաստանի Հանրապետությունում մարդու իրավունքների, իրավունքի գերակայության ապահովման, ինչպես նաև ժողովրդավարական ինստիտուտների զարգացման գործում։
Վճռաբեկ դատարանի նախագահը նշել է, որ արդյունավետ համագործակցության հարթակ է ձևավորած Մարդու իրավունքների եվրոպական դատարանի հետ՝ կարևորելով ՄԻԵԴ նախադեպային իրավունքի դերը ներպետական իրավունքի զարգացման գործում։
Հանդիպման ընթացքում Վճռաբեկ դատարանի նախագահը ներկայացրել է խոշտանգումների և դրան հավասարեցված արարքների, խտրականության արգելքի, ինչպես նաև ընտանեկան բռնության վերաբերյալ գործերով ՀՀ Վճռաբեկ դատարանի նախադեպային իրավունքի վերջին զարգացումները։
Մտքեր են փոխանակվել երկուստեք հետաքրքրություն ներկայացնող մի շարք այլ հարցերի վերաբերյալ։
Հանդիպման ավարտին Եվրոպայի խորհրդի մարդու իրավունքների հանձնակատարը շնորհակալություն է հայտնել Վճռաբեկ դատարանի նախագահին ընդունելության և բովանդակալից քննարկման համար՝ ընդգծելով մարդու իրավունքների ու հիմնարար ազատությունների պաշտպանության ոլորտում շարունակական համագործակցության կարևորությունը։
The website development of the Court of Cassation of Armenia was supported within the Project "Supporting the criminal justice reform and harmonising the application of European standards in Armenia" co-funded by the European Union and the Council of Europe. The content and views expressed on the website of the Court of Cassation of Armenia can in no way be taken to reflect the official opinion of the European Union and the Council of Europe".