12.08.2026

STUDENTS OF HUMBOLDT UNIVERSITY OF BERLIN AND THE RUSSIAN-ARMENIAN UNIVERSITY WERE HOSTED AT THE COURT OF CASSATION OF THE REPUBLIC OF ARMENIA

    ՀՀ Վճռաբեկ դատարանը հյուրընկալել է Բեռլինի Հումբոլդտի համալսարանի և Հայ-ռուսական համալսարանի ուսանողներին։

  Ուսանողներին ընդունել են ՀՀ Վճռաբեկ դատարանի աշխատակազմի իրավական փորձաքննությունների ծառայության ղեկավար Ժենյա Ստեփանյանը և նույն ծառայության գլխավոր մասնագետ Վարազդատ Սուքիասյանը։

  Հանդիպման ընթացքում անդրադարձ է կատարվել ՀՀ Վճռաբեկ դատարանի դերակատարությանը ՀՀ դատական համակարգում, ներկայացվել են դատարանի գործառույթները, կառուցվածքն ու գործունեության հիմնական ուղղությունները։

 Առանձնահատուկ անդրադարձ է կատարվել Վճռաբեկ դատարանի՝ դատական պրակտիկայի միասնականության ապահովման և իրավունքի զարգացման գործառույթներին, միջազգային համագործակցության հիմնական ուղղություններին, ինչպես նաև Մարդու իրավունքների եվրոպական դատարանի հետ իրականացվող իրավական երկխոսության առանձնահատկություններին, այդ թվում՝ նաև Մարդու իրավունքների և հիմնարար ազատությունների պաշտպանության մասին եվրոպական կոնվենցիայի թիվ 16 արձանագրության շրջանակներում։

  Ուսանողներն իրենց հերթին հանդես են եկել զեկույցներով, ակտիվորեն մասնակցել քննարկմանը և ներկայացված թեմաների շուրջ փոխանակվել մասնագիտական տեսակետներով։

The website development of the Court of Cassation of Armenia was supported within the Project "Supporting the criminal justice reform and harmonising the application of European standards in Armenia" co-funded by the European Union and the Council of Europe. The content and views expressed on the website of the Court of Cassation of Armenia can in no way be taken to reflect the official opinion of the European Union and the Council of Europe".