ՎՃՌԱԲԵԿ ԴԱՏԱՐԱՆՈՒՄ ԿԱԶՄԱԿԵՐՊՎԵԼ Է ՍԵՄԻՆԱՐ-ՔՆՆԱՐԿՈՒՄ ԵՐԵՎԱՆ ՔԱՂԱՔԻ ԱՌԱՋԻՆ ԱՏՅԱՆԻ ԸՆԴՀԱՆՈՒՐ ԻՐԱՎԱՍՈՒԹՅԱՆ ՔՐԵԱԿԱՆ ԴԱՏԱՐԱՆԻ ԵՎ ՀՀ ՀԱԿԱԿՈՌՈՒՊՑԻՈՆ ԴԱՏԱՐԱՆԻ ՔՐԵԱԿԱՆ ՄԱՍՆԱԳԻՏԱՑՄԱՆ ԴԱՏԱՎՈՐՆԵՐԻ ՕԳՆԱԿԱՆՆԵՐԻ ՀԱՄԱՐ
2025 թվականի նոյեմբերի 6-ին Հայաստանի Հանրապետության Վճռաբեկ դատարանում կազմակերպվել է սեմինար-քննարկում, որը նվիրված էր ՀՀ Վճռաբեկ դատարանի և Մարդու իրավունքների եվրոպական դատարանի (ՄԻԵԴ) նախադեպային իրավունքի վերջին զարգացումներին։ Միջոցառմանը մասնակցել են Երևան քաղաքի առաջին ատյանի ընդհանուր իրավասության քրեական դատարանի և ՀՀ հակակոռուպցիոն դատարանի քրեական մասնագիտացման դատավորների օգնականները։ Քննարկումը անցկացրել են ՀՀ Վճռաբեկ դատարանի աշխատակազմի իրավական փորձաքննությունների ծառայության ղեկավար, իրավաբանական գիտությունների թեկնածու Ժենյա Ստեփանյանը, ինչպես նաև նույն ծառայության գլխավոր մասնագետներ, իրավաբանական գիտությունների թեկնածուներ Տաթևիկ Սուջյանն ու Վարազդատ Սուքիասյանը։ Նրանք ներկայացրել են քրեական իրավունքի և քրեական դատավարության արդի որոշ հիմնախնդիրների առնչությամբ ՀՀ Վճռաբեկ դատարանի ձևավորած վերջին նախադեպային դիրքորոշումները, ինչպես նաև անդրադարձել են Մարդու իրավունքների եվրոպական դատարանի նախադեպային իրավունքի զարգացումներին։
Քննարկման ընթացքում մասնակիցները հանդես են եկել հարցերով ու դիտարկումներով, որոնք դարձել են ակտիվ մասնագիտական քննարկման առիթ։
ՀՀ Վճռաբեկ դատարանի աշխատակազմի ղեկավար Ֆիլիպ Ղազարյանը իր ելույթում շեշտել է նմանատիպ սեմինար-քննարկումների կազմակերպման կարևորությունը՝ ընդգծելով, որ դրանք շարունակական բնույթ են կրելու։ Նրա խոսքով՝ նման հարթակները նպաստում են դատական համակարգում աշխատող մասնագետների միջև փորձի արդյունավետ փոխանակմանը, գործնականում ծագող խնդիրների բացահայտմանն ու քննարկմանը, ինչպես նաև ապահովում են հասանելիությունը Վճռաբեկ դատարանի նախադեպային իրավունքի վերջին զարգացումներին։
Разработка веб-сайта Кассационного Суда Республики Армения была осуществлeна при поддержке программы Совета Европы "Поддержка реформы уголовного правосудия и гармонизация применения европейских стандартов в Армении", софинансируемой Европейским союзом и Советом Европы. Содержание и точки зрения, представленные на веб-сайте Конституционного Суда Республики Армения, ни при каких обстоятельствах не могут рассматриваться как официальные точки зрения Европейского Союза и Совета Европы.