ՀՀ ՎՃՌԱԲԵԿ ԴԱՏԱՐԱՆԻ ՆԵՐԿԱՅԱՑՈՒՑԻՉԸ ՄԱՍՆԱԿՑԵԼ Է ՄԱՐԴՈՒ ԻՐԱՎՈՒՆՔՆԵՐԻ ԵՎՐՈՊԱԿԱՆ ԴԱՏԱՐԱՆԻ ԲԱՐՁՐԱԳՈՒՅՆ ԴԱՏԱՐԱՆՆԵՐԻ ՑԱՆՑԻ ԿԱԶՄԱՎՈՐՄԱՆ ՏԱՍՆԱՄՅԱԿԻՆ ՆՎԻՐՎԱԾ ՀՈԲԵԼՅԱՆԱԿԱՆ ՀԱՄԱԺՈՂՈՎԻՆ
Հայաստանի Հանրապետության Վճռաբեկ դատարանի աշխատակազմի իրավական փորձաքննությունների ծառայության պետ Ժենյա Ստեփանյանը 2025 թվականի հունիսի 5-6-ը Ստրասբուրգ քաղաքում մասնակցել է Մարդու իրավունքների եվրոպական դատարանի Բարձրագույն դատարանների ցանցի կազմավորման տասնամյակին նվիրված հոբելյանական համաժողովին։
Համաժողովի ընթացքում ներկայացվել են Բարձրագույն դատարանների ցանցի կազմավորման պատմությունը և զարգացման ընթացքը, ներպետական մակարդակում կոնվենցիոն չափանիշների երաշխավորման հարցում դրա ունեցած ազդեցությունը և ազգային փորձը, ինչպես նաև քննարկվել են ցանցի հետագա զարգացման հնարավոր ուղիներն ու դրա ներուժի զարգացման հետագա հեռանկարները։
Համաժողովի շրջանակներում կազմակերպվել է նաև Բարձրագույն դատարանների ցանցի հոբելյանական գրքի շնորհանդեսը, որի ընթացքում բացման խոսքով հանդես է եկել Մարդու իրավունքների եվրոպական դատարանի նախագահ Մատիաս Գույոմարը։ Գրքում համահեղինակությամբ ներկայացվել է նաև Բարձրագույն դատարանների ցանցի շրջանակներում Հայաստանի Հանրապետության Վճռաբեկ դատարանի փորձը և ունեցած դերակատարությունը։
Разработка веб-сайта Кассационного Суда Республики Армения была осуществлeна при поддержке программы Совета Европы "Поддержка реформы уголовного правосудия и гармонизация применения европейских стандартов в Армении", софинансируемой Европейским союзом и Советом Европы. Содержание и точки зрения, представленные на веб-сайте Конституционного Суда Республики Армения, ни при каких обстоятельствах не могут рассматриваться как официальные точки зрения Европейского Союза и Совета Европы.