05.07.2024

ПОЗДРАВИТЕЛЬНОЕ ПОСЛАНИЕ ПРЕДСЕДАТЕЛЯ КАССАЦИОННОГО СУДА РЕСПУБЛИКИ АРМЕНИЯ ЛИЛИТ ТАДЕВОСЯН ПО СЛУЧАЮ ДНЯ КОНСТИТУЦИИ РЕСПУБЛИКИ АРМЕНИЯ

    Հարգելի՛ հայրենակիցներ,

 

    Շնորհավորում եմ մեր պետության համար կարևորագույն տոներից մեկի՝ Հայաստանի Հանրապետության Սահմանադրության օրվա կապակցությամբ:

  Հայաստանի Հանրապետության Հիմնական օրենքը, հանդիսանալով պետության հիմնադիր փաստաթուղթը, ամրագրել է ժողովրդավարական, իրավական և սոցիալական պետության նշաձողը, որը մեր երկրի հարատևման ու կայուն զարգացման կարևոր նախադրյալն է:

  Հիմնական օրենքով է ամրագրվել նաև Սահմանադրի՝ մեր ժողովրդի կամաարտահայտությունը՝ որպես բարձրագույն արժեք հռչակել մարդուն, իսկ նրա հիմնական իրավունքների և ազատությունների հանդեպ հարգանքն ու պաշտպանությունը դարձնել հանրային իշխանության համար հրամայական:

  Սահմանադրորեն ամրագրված արժեքների ու սկզբունքների պահպանումը, սահմանադրաիրավական մշակույթի ամրապնդումը՝ ժողովրդավարական ինստիտուտների զարգացման, օրինականության և իրավակարգի ամրապնդման, իրավունքի գերակայության ապահովման, մեր պետության հզորացման ու առաջընթացի նախապայմաններից են, հետևաբար այդ արժեքների պահպանումը յուրաքանչյուրիս սրբազան պարտքն ու պարտականությունն է:

 ​Կրկին շնորհավորելով մեր երկրի ամենաառանցքային տոներից մեկի՝ Հայաստանի Հանրապետության Սահմանադրության օրվա առթիվ, մեր Հայրենիքին մաղթում եմ խաղաղություն և հզորություն, մեր ժողովրդին՝ երջանկություն ու բարեկեցություն: 

 

  Հայաստանի Հանրապետության

  Վճռաբեկ դատարանի նախագահ

  Լիլիթ Թադևոսյան

Разработка веб-сайта Кассационного Суда Республики Армения была осуществлeна при поддержке программы Совета Европы "Поддержка реформы уголовного правосудия и гармонизация применения европейских стандартов в Армении", софинансируемой Европейским союзом и Советом Европы. Содержание и точки зрения, представленные на веб-сайте Конституционного Суда Республики Армения, ни при каких обстоятельствах не могут рассматриваться как официальные точки зрения Европейского Союза и Совета Европы.