НОВОНАЗНАЧЕННЫЙ РУКОВОДИТЕЛЬ ОФИСА СОВЕТА ЕВРОПЫ В ЕРЕВАНЕ МАРТИНА ШМИДТ ПОСЕТИЛА КАССАЦИОННЫЙ СУД РА

2021 թվականի հուլիսի 26-ին ՀՀ Վճռաբեկ դատարանի նախագահ Լիլիթ Թադևոսյանը Վճռաբեկ դատարանում ընդունել է Երևանում Եվրոպայի խորհրդի գրասենյակի նորանշանակ ղեկավար Մարտինա Շմիդտին, «Աջակցություն Հայաստանում քրեական արդարադատության համակարգի բարեփոխումներին և պայքար վատ վերաբերմունքի և անպատժելիության դեմ» ծրագրի ավագ ղեկավար Գայանե Հովհաննիսյանին և «Աջակցություն դատական բարեփոխումների իրականացմանը` Հայաստանում դատական իշխանության անկախության և արհեստավարժության ամրապնդումը» ծրագրի ազգային համակարգող Թամարա Բարբակաձեին։

Հանդիպմանը մասնակցել են նաև ՀՀ Վճռաբեկ դատարանի քրեական պալատի նախագահ Հ.Ասատրյանը, քաղաքացիական և վարչական պալատի նախագահ Ռ.Հակոբյանը, աշխատակազմի ղեկավար Վ․Միքաելյանը և իրավական փորձաքննությունների ծառայության պետ Ա․Ղարսլյանը։

ՀՀ Վճռաբեկ դատարանի նախագահը շնորհավորել է Մարտինա Շմիդտին գրասենյակի ղեկավարի պաշտոնը ստանձնելու կապակցությամբ և մաղթել նրան հաջողություն այդ կարևոր և պատասխանատու աշխատանքում։

ՀՀ Վճռաբեկ դատարանի նախագահ Լիլիթ Թադևոսյանն ընդգծել է արդարադատության իրականացման գործընթացի կատարելագործման հարցում դատական իշխանության և միջազգային տարբեր կառույցների փոխգործակցության անհրաժեշտությունը՝ կարևորելով Երևանում Եվրոպայի խորհրդի գրասենյակի ներգրավվածությունն ու օժանդակությունը։

ՀՀ Վճռաբեկ դատարանի նախագահն ամփոփել է Եվրոպայի Խորհրդի հետ կայուն համագործակցության արդյունքում նախորդիվ ձեռքբերված արդյունքները՝ հատկապես ընդգծելով Վճռաբեկ դատարանի քրեական գործերով, ինչպես նաև քաղաքացիական և վարչական գործերով որոշումների ընտրանիների տպագրությունը կազմակերպելու հարցում ցուցաբերած աջակցությունն ու մի շարք արդիական հիմնախնդիրների շուրջ դատական տարբեր ատյանների դատավորների մասնակցությամբ, ինչպես նաև Վճռաբեկ դատարանի աշխատակազմի ներկայացուցիչների համար կազմակերպված սեմինար-քննարկումները։

Կարևորելով Եվրոպայի խորհրդի հետ շարունակական և արդյունավետ համագործակցությունը՝ ՀՀ Վճռաբեկ դատարանի նախագահը վերահաստատել է Վճռաբեկ դատարանի պատրաստակամությունը՝ աջակցելու գրասենյակի կողմից դատաիրավական բարեփոխումների շրջանակներում նախատեսված ծրագրերի իրականացման գործում։

Հանդիպման ավարտին կողմերը շնորհակալություն են հայտնել բովանդակալից և կառուցողական քննարկման համար՝ ընդգծելով համագործակցության կարևորությունն ու հետագա ամրապնդման անհրաժեշտությունը:

Разработка веб-сайта Кассационного Суда Республики Армения была осуществлeна при поддержке программы Совета Европы "Поддержка реформы уголовного правосудия и гармонизация применения европейских стандартов в Армении", софинансируемой Европейским союзом и Советом Европы. Содержание и точки зрения, представленные на веб-сайте Конституционного Суда Республики Армения, ни при каких обстоятельствах не могут рассматриваться как официальные точки зрения Европейского Союза и Совета Европы.