ՀԱՆԴԻՊՈՒՄ ՎՃՌԱԲԵԿ ԴԱՏԱՐԱՆՈՒՄ ««ԹԱՅԵՔՍ» ԴԱՏԱՎՈՐՆԵՐԻ ԵՎ ԴԱՏԱԽԱԶՆԵՐԻ ԿԱՐԻԵՐԱՅԻ ԳՆԱՀԱՏՈՒՄԸ ՀԱՅԱՍՏԱՆՈՒՄ» ԾՐԱԳՐԻ ՇՐՋԱՆԱԿՆԵՐՈՒՄ ԵՎՐՈՊԱԿԱՆ ՄԻՈՒԹՅԱՆ ՊԱՏՎԻՐԱԿՈՒԹՅԱՆ ՈՒ ԵՎՐՈՊԱԿԱՆ ՀԱՆՁՆԱԺՈՂՈՎԻ ՆԵՐԿԱՅԱՑՈՒՑԻՉՆԵՐԻ ՀԵՏ
2024 թվականի հոկտեմբերի 17-ին Հայաստանի Հանրապետության դատավորների ընդհանուր ժողովի ուսումնական հարցերի հանձնաժողովի (այսուհետ՝ Ուսումնական հարցերի հանձնաժողով) նախագահ Արսեն Մկրտչյանը և Դատավորների գործունեության գնահատման հանձնաժողի նախագահ Արման Թովմասյանը ««Թայեքս» դատավորների և դատախազների կարիերայի գնահատումը Հայաստանում» ծրագրի շրջանակներում Հայաստանի Հանրապետության Վճռաբեկ դատարանում ընդունել են Եվրոպական Միության պատվիրակությանն ու Եվրոպական հանձնաժողովի ներկայացուցիչներին։
Հանդիպման շրջանակներում ներկայացվել են Ուսումնական հարցերի հանձնաժողովի և Դատավորների գործունեության գնահատման հանձնաժողի գործառույթները, ինչպես նաև դրանց գործունեության ուղղություններն ու իրականցվող ծրագրերը։
Եվրոպական Միության և Եվրոպական հանձնաժողովի ներկայացուցիչների հետ քննարկվել են Հայաստանի Հանրապետությունում դատավորների գործունեության գնահատման, դատավորի թեկնածուների հավակնորդների գնահատման, ինչպես նաև դատավորների վերապատրաստման, դատավորների թեկնածուների հավակնորդների և դատավորների թեկնածուների ուսուցման կարգը, ծրագրերն ու թեմաները։
Հանդիպման ընթացքում երկուստեք ընդգծվել է նոր ուղիների մշակման և ծրագրերի իրագործման կարևորությունն ու վերահաստատվել փոխգործակցությունը շարունակելու և ամրապնդելու պատրաստակամությունը:
Разработка веб-сайта Кассационного Суда Республики Армения была осуществлeна при поддержке программы Совета Европы "Поддержка реформы уголовного правосудия и гармонизация применения европейских стандартов в Армении", софинансируемой Европейским союзом и Советом Европы. Содержание и точки зрения, представленные на веб-сайте Конституционного Суда Республики Армения, ни при каких обстоятельствах не могут рассматриваться как официальные точки зрения Европейского Союза и Совета Европы.