07.07.2021
DISCUSSION ON THE IMPROVEMENT OF NATIONAL LEGISLATION ON THE APPLICATION OF PROTOCOL No. 16 TO THE EUROPEAN CONVENTION ON HUMAN RIGHTS
DISCUSSION ON THE IMPROVEMENT OF NATIONAL LEGISLATION ON THE APPLICATION OF PROTOCOL No. 16 TO THE EUROPEAN CONVENTION ON HUMAN RIGHTS
2021 թվականի հունիսի 25-ին ՀՀ Վճռաբեկ դատարանի նախագահ Լիլիթ Թադևոսյանը մասնակցել է Եվրոպայի խորհրդի կողմից իրականացվող՝ «Աջակցություն Հայաստանի կողմից Մարդու իրավունքների եվրոպական կոնվենցիայի 6-րդ հոդվածով կայացված վճիռների կատարմանը» ծրագրի շրջանակում անցկացված առցանց քննարկմանը՝ նվիրված Մարդու իրավունքների եվրոպական կոնվենցիայի 16-րդ արձանագրության կիրարկման ազգային օրենսդրության կատարելագործմանը։
Հանդես գալով բացման խոսքով, Վճռաբեկ դատարանի նախագահը ողջունել է կազմակերպված քննարկման նախաձեռնությունն ու ընդգծել, որ Եվրոպական կոնվենցիայի թիվ 16 արձանագրությամբ ազգային դատարաններին ընձեռվող հնարավորությունը՝ ստանալու խորհրդատվական կարծիքներ, Մարդու իրավունքների եվրոպական դատարանի և ազգային բարձրագույն դատական ատյանների միջև երկխոսությունը դարձնում է առավել կառուցողական՝ այն տեղափոխելով ինստիտուցիոնալ հենքի վրա և նպաստում է ազգային մակարդակում Եվրոպական կոնվենցիայի առավել ամբողջական կիրառմանը։ Վճռաբեկ դատարանի նախագահը նշել է, որ Մարդու իրավունքների եվրոպական դատարանի՝ Վիրաբյանն ընդդեմ Հայաստանի վճռի կատարման շրջանակներում Վճռաբեկ դատարանը 2021 թվականի հունվարի 27-ին դիմել է Մարդու իրավունքների եվրոպական դատարան՝ խորհրդատվական կարծիք ստանալու համար, ինչը դատարանի՝ 2021 թվականի մայիսի 10-ի որոշմամբ ընդունվել է քննության։
Առցանց քննարկմանը մասնակցել են նաև Վճռաբեկ դատարանի քրեական պալատի նախագահ Հ․Ասատրյանը և Վճռաբեկ դատարանի փորձագետ Ա․Վարդանյանը։ Վերջինս մասնակիցներին ներկայացրել է Եվրոպական կոնվենցիայի թիվ 16 արձանագրությամբ Մարդու իրավունքների եվրոպական դատարան դիմելու ՀՀ Վճռաբեկ դատարանի փորձը, դիմումի ընթացակարգային և բովանդակային պահանջներն ու չափորոշիչները, որոնք պահպանվել և ուշադրության էին արժանացվել Վճռաբեկ դատարանի կողմից դիմումը Մարդու իրավունքների եվրոպական դատարան ներկայացնելիս։
The website development of the Court of Cassation of Armenia was supported within the Project "Supporting the criminal justice reform and harmonising the application of European standards in Armenia" co-funded by the European Union and the Council of Europe. The content and views expressed on the website of the Court of Cassation of Armenia can in no way be taken to reflect the official opinion of the European Union and the Council of Europe".