Ծնվել է 1940 թվականի նոյեմբերի 7-ին՝ Սևան քաղաքում:

1957 թվականին ավարտելով տեղի միջնակարգ դպրոցը, աշխատանքի է անցել Սևանի «Հայձուկ» տրեստում՝ որպես մեքենավար:

1960-1963 թվականներին աշխատել է «Սևան» թերթի խմբագրությունում որպես գրական աշխատող, բաժնի վարիչ:

1963-1965 թվականներին եղել է ՀԼԿԵՄ Սևանի շրջկոմի առաջին քարտուղարը:

1965-1969 թվականներին աշխատել է «Սևան» թերթի պատասխանատու քարտուղար:

1961 թվականին ընդունվել և 1967 թվականին ավարտել է Երևանի պետական համալսարանի իրավաբանական ֆակուլտետի հեռակա բաժինը:

1969 թվականին Հ․Դանիելյանն ընտրվել է Սևանի շրջանի դատավոր:

1977 թվականին ընտրվել է Հայաստանի Գերագույն դատարանի անդամ:

1998 թվականին ՀՀ Նախագահի հրամանագրով նշանակվել է ՀՀ Վճռաբեկ դատարանի նախագահ և պաշտոնավարել մինչև 2005 թվականը:

2005 թվականի հունիսի 9-ին ՀՀ Նախագահի հրամանագրով նշանակվել է ՀՀ Սահմանադրական դատարանի անդամ:

Հ․Դանիելյանին շնորհվել է «Որակավորման բարձրագույն դասի դատավոր»-ի կոչում:

2003 թվականին նրան շնորհվել է Հայաստանի Հանրապետության վաստակավոր իրավաբանի կոչում:

The website development of the Court of Cassation of Armenia was supported within the Project "Supporting the criminal justice reform and harmonising the application of European standards in Armenia" co-funded by the European Union and the Council of Europe. The content and views expressed on the website of the Court of Cassation of Armenia can in no way be taken to reflect the official opinion of the European Union and the Council of Europe".