ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎՃՌԱԲԵԿ ԴԱՏԱՐԱՆԻ ՆԱԽԱԳԱՀ ԼԻԼԻԹ ԹԱԴԵՎՈՍՅԱՆԸ ՎՃՌԱԲԵԿ ԴԱՏԱՐԱՆՈՒՄ ԸՆԴՈՒՆԵԼ Է ՆԻԴԵՐԼԱՆԴՆԵՐԻ ԹԱԳԱՎՈՐՈՒԹՅԱՆ ԴԵՍՊԱՆԻՆ

Հայաստանի Հանրապետության Վճռաբեկ դատարանի նախագահ Լիլիթ Թադևոսյանը, 2025 թվականի հուլիսի 3-ին, ընդունել է Հայաստանի Հանրապետությունում Նիդերլանդների Թագավորության արտակարգ և լիազոր դեսպան Մարիկե Հարիետ Մոնրոյ-Վինթերին։

Հանդիպմանը մասնակցել են նաև Վճռաբեկ դատարանի քրեական պալատի նախագահ Համլետ Ասատրյանը և վարչական պալատի նախագահ Հովսեփ Բեդևյանը։

Հանդիպման ընթացքում ՀՀ Վճռաբեկ դատարանի նախագահը նշեց, որ Նիդերլանդների Թագավորության դեսպանության աջակցությամբ կազմակերպվել են մի շարք միջոցառումներ՝ ՀՀ Վճռաբեկ դատարանի և Սահմանադրական դատարանի դատավորների մասնակցությամբ, որոնց շրջանակում արդյունավետ համագործակցության և փորձի փոխանակման մթնոլորտ է ձևավորվել երկու երկրների դատական համակարգերի միջև։

Վճռաբեկ դատարանի նախագահը նշեց, որ Հայաստանի Հանրապետության և Նիդերլանդների Թագավորության դատական համակարգերի միջև փոխգործակցությունը և փորձի փոխանակումը կարևոր է Հայաստանի Հանրապետությունում ընթացող դատաիրավական բարեփոխումների համատեքստում՝ հաշվի առնելով նաև, որ Նիդերլանդների Թագավորությունը միջազգային արդարադատության առանցքային կենտրոն է, իսկ Նիդերլանդների դատական համակարգը՝ աշխարհում ամենաարդյունավետ համակարգերից է, որտեղ լայն կիրառություն ունեն վերականգնողական արդարադատության և վեճերի լուծման արտադատական գործիքները, արդյունավետորեն կիրառվում են արդարադատության թվայնացման ժամանակակից լուծումները։

Հանդիպման ընթացքում քննարկվել են երկուստեք հետաքրքրություն ներկայացնող մի շարք հարցեր, նախանշվել են հետագա համագործակցության ուղիները։

Разработка веб-сайта Кассационного Суда Республики Армения была осуществлeна при поддержке программы Совета Европы "Поддержка реформы уголовного правосудия и гармонизация применения европейских стандартов в Армении", софинансируемой Европейским союзом и Советом Европы. Содержание и точки зрения, представленные на веб-сайте Конституционного Суда Республики Армения, ни при каких обстоятельствах не могут рассматриваться как официальные точки зрения Европейского Союза и Совета Европы.