15.06.2026

ՀՀ ՎՃՌԱԲԵԿ ԴԱՏԱՐԱՆԻ ՆԵՐԿԱՅԱՑՈՒՑԻՉԸ ՄԱՍՆԱԿՑԵԼ Է ՄԱՐԴՈՒ ԻՐԱՎՈՒՆՔՆԵՐԻ ԵՎՐՈՊԱԿԱՆ ԴԱՏԱՐԱՆԻ ԲԱՐՁՐԱԳՈՒՅՆ ԴԱՏԱՐԱՆՆԵՐԻ ՑԱՆՑԻ ՏԱՐԵԿԱՆ ՀԱՄԱԺՈՂՈՎԻՆ

  Հայաստանի Հանրապետության Վճռաբեկ դատարանի աշխատակազմի իրավական փորձաքննությունների ծառայության պետ Ժենյա Ստեփանյանը 2026 թվականի հունիսի 4-5-ը Ստրասբուրգում մասնակցել է Մարդու իրավունքների եվրոպական դատարանի Բարձրագույն դատարանների ցանցի տարեկան համաժողովին։

  Համաժողովը նվիրված էր «Բիզնեսը և մարդու իրավունքները» թեմայով քննարկմանը, որի ընթացքում անդրադարձ է կատարվել ազգային դատարանների դերակատարությանը՝ բիզնես շահերը և մարդու իրավունքները երաշխավորելու տեսանկյունից, ինչպես նաև անձնական տվյալների պաշտպանության արդի մարտահրավերներին, շրջակա միջավայրի պաշտպանության և կորպորատիվ պատասխանատվության հարցերին։

  Համաժաղովի ընթացքում քննարկվել են նաև դատական համակարգի թվայնացման արդի միտումները, արհեստական բանականության և տեղեկատվական տեխնոլոգիաների կիրառման, փաստաթղթաշրջանառության և գործերի կառավարման ժամանակակից լուծումները՝ ուղղված դատարանների գործունեության արդյունավետության բարձրացմանը և արդարադատության մատչելիության ապահովմանը։

  Համաժողովի ավարտին ներկայացվել են Բարձրագույն դատարանների ցանցի հետագա զարգացման և համագործակցության ընդլայնման հեռանկարները` Մարդու իրավունքների եվրոպական դատարանի և ազգային բարձրագույն դատարանների միջև մասնագիտական երկխոսության և փորձի փոխանակման առավել խորացման նպատակով։  

Разработка веб-сайта Кассационного Суда Республики Армения была осуществлeна при поддержке программы Совета Европы "Поддержка реформы уголовного правосудия и гармонизация применения европейских стандартов в Армении", софинансируемой Европейским союзом и Советом Европы. Содержание и точки зрения, представленные на веб-сайте Конституционного Суда Республики Армения, ни при каких обстоятельствах не могут рассматриваться как официальные точки зрения Европейского Союза и Совета Европы.